أقلام ثقافية

حِلو هواي شهر آذارْ

من يطلع علينا بخيرْ

نهر ما يشبۤه الانهارْ / هاشم الموسوي

من چنا نجوم ازغارْ

چان الليل يوحشنا

و چنا نريدْ

يطلع فدْ گٌمَر نوّارْ

يبشرنا بشهر آذارْ

وهَسه انگول ..

بعد سنين من ذاكْ

الطلوگ الجابته الاقدارْ

حِلو هواي شهر آذارْ

من يطلع علينا بخيرْ

بيده شموعْ

صينية فرحْ... وازهارْ

لًمْ الناس فرحانين

عرب واكراد

تُركمان وأزيدية وفيليه

سِنهّ وشيعة الكرارْ

من زاخو لحد الفاوْ

والحاسد بچه من لمة الأخيارْ

واحلمنا بعد مرْه

بنهر صافي

يسبح بيه گمر آذارْ

واتحقق حلمنا وصارْْ

وهلهلنا وركصنا بعيد

يانهر المحبهْ ألفرّحْ الاطيارْ

احچيلى بعد

من عبرت ثمانين العمر سنتين

إشعندك بعد اسرار

مو آنه چنت محتارْ

من زغري اشوف الناس

تحفر بالنهرْ

تزرع عالجرف اشجارْ

واگول اشجاها هالوادم

موعِدنا، چثير انهارْ

اثاريهم زِلم ثوارْ

من حفروا نهر ما يشبه الانهارْ

لَمْ كل البشر انصارْ..

وانكتبت عليهْ اشعارْ

سلمان التحبة الناسْ

من سومر اجه بشّارْ

حُفر نهر المحبة يعاونونه احرارْ

هلاهلنا ومضايفنا

علا الصوبين

عمارهْ وبصرهْ والكوفهْ

رُميثة والسماوة.. ونگرة السلمانْ

حديثهْ وراوه والموصلْ

واطيوب المحبه وصلت ال سنجارْ

عزيز انتَ ..

ولو تدري وراك اشصارْ

حفر نهرك عشگ

بگلوب كل الناسْ

لو ما هالنهر يجري

نظيف الماي والمنبعْ

ما چنا غسلنا العارْ

نظفنا الشوارعْ

من صورْ ..

چانت تجيب العارْ

ولاچنا عرفنا اسرارْ

ولا انطانة النخل جمارْ

اشگد هبت علينا اعصارْ

سفنا بخير ياسلمانْ

سفنا تروح للبصرهْ

و تلعفرْ

تجيب الطيب والعنبرْ نهر ما يشبۤه الانهارْ

هاشم الموسوي

من چنا نجوم ازغارْ

چان الليل يوحشنا

و چنا نريدْ

يطلع فدْ گٌمَر نوّارْ

يبشرنا بشهر آذارْ

وهَسه انگول ..

بعد سنين من ذاكْ

الطلوگ الجابته الاقدارْ

حِلو هواي شهر آذارْ

من يطلع علينا بخيرْ

بيده شموعْ

صينية فرحْ... وازهارْ

لًمْ الناس فرحانين

عرب واكراد

تُركمان وأزيدية وفيليه

سِنهّ وشيعة الكرارْ

من زاخو لحد الفاوْ

والحاسد بچه من لمة الأخيارْ

واحلمنا بعد مرْه

بنهر صافي

يسبح بيه گمر آذارْ

واتحقق حلمنا وصارْْ

وهلهلنا وركصنا بعيد

يانهر المحبهْ ألفرّحْ الاطيارْ

احچيلى بعد

من عبرت ثمانين العمر سنتين

إشعندك بعد اسرار

مو آنه چنت محتارْ

من زغري اشوف الناس

تحفر بالنهرْ

تزرع عالجرف اشجارْ

واگول اشجاها هالوادم

موعِدنا، چثير انهارْ

اثاريهم زِلم ثوارْ

من حفروا نهر ما يشبه الانهارْ

لَمْ كل البشر انصارْ..

وانكتبت عليهْ اشعارْ

سلمان التحبة الناسْ

من سومر اجه بشّارْ

حُفر نهر المحبة يعاونونه احرارْ

هلاهلنا ومضايفنا

علا الصوبين

عمارهْ وبصرهْ والكوفهْ

رُميثة والسماوة.. ونگرة السلمانْ

حديثهْ وراوه والموصلْ

واطيوب المحبه وصلت ال سنجارْ

عزيز انتَ ..

ولو تدري وراك اشصارْ

حفر نهرك عشگ

بگلوب كل الناسْ

لو ما هالنهر يجري

نظيف الماي والمنبعْ

ما چنا غسلنا العارْ

نظفنا الشوارعْ

من صورْ ..

چانت تجيب العارْ

ولاچنا عرفنا اسرارْ

ولا انطانة النخل جمارْ

اشگد هبت علينا اعصارْ

سفنا بخير ياسلمانْ

سفنا تروح للبصرهْ

و تلعفرْ

تجيب الطيب والعنبرْ

سفنا كبارْ

بيها ركبوا الثوارْ

نام... انت .. قرير العينْ

واحنا نعاهدكْ

كل عامْ

هلاهلنا تجي طشارْ

ونهرك يمتلي ليلو

زمرد والعقيق الوانْ

نفرح من يجي آذارْ

ونجيب الشمسْ

ويا الگمر خطارْ

سفنا كبارْ

بيها ركبوا الثوارْ

نام... انت .. قرير العينْ

واحنا نعاهدكْ

كل عامْ

هلاهلنا تجي طشارْ

ونهرك يمتلي ليلو

زمرد والعقيق الوانْ

نفرح من يجي آذارْ

ونجيب الشمسْ

ويا الگمر خطارْ