نصوص أدبية

ياسين الرزوق: مايا قامت حلفت

مايا قامت حلفت بعيونا تحمينا

زلزالْ يدمِّر فينا

عشّاقْ بْيبكوا ماضينا

مايا قامت حلفت بعيونا تحمينا

مايا شفيت تا تشفي الحاضر

من قهرو يشفينا

نحنا مين

والأرض شقَت منَّا عْنَاوينا

نحنا مين

والأرض سرقت منَّا غوالينا

مايا سمعت عن زلزالا بكيت

مايا صرخت و بدمعاتا همّت سألت

أيُّوب لساتو عبيحمي دودة صبرو؟!

ولَّا الموت لاحق همُّو بغدرو؟!

مايا رجعت نامت تا تحمي بكرا

مايا حلمت إنُّو حبَّا باقي فوق الذكرى

مايا نسيت عيسى المصلوب

صارت سيرتها هادا الشعب المنكوب

مايا نسيت عدرا المثلى

صارت قداما هي الأم الثكلى

بردان و ناسي اسمو

مضيع بيتو و شكلو و كسمو

و بيطلعلك واحد بصَّار

يا روحي حملك بالقنطار

وبتطلعلك من قلب الفنجان

كذبة كبرى متل الجان

زلزالك عايش جوَّاتك

خلِّي فكرك أكبر من سحباتك

و تا تصلي راجع ركعاتك

بس لا تنس بالرجعة عقلاتك

مايا قهرت هالزلزال

عودوا يا شعبي المختار

مايا كسرت هالتمثال

قوموا يا شعبي المحتار

***

بقلم: الشاعر ياسين الرزوق زيوس

الخميس 23\2\2023

 

في نصوص اليوم